साधारण तारेखमा छुटे सांसद साह - DoroNepal

Breaking

Friday, October 18, 2019

साधारण तारेखमा छुटे सांसद साह

 जनकपुरधाम । जनकपुर विमानस्थलमा तोडफोड गरेको आरोपमा पक्राउ परेका सांसद प्रमोदकुमार साह रिहा भएका छन् ।
जिल्ला अदालत धनुषाका न्यायाधीश तेजनारायण पौडेलको इजलासले साहलाई साधारण तारेखमा छाड्न आदेश दिएको हो । लगतै उनी रिहा भएका छन् ।
सोमबार जनकपुरबाट काठमाडौंको बुद्ध एयरको उडान ढिलो भएको भन्दै राष्ट्रिय जनता पार्टी (राजपा) नेपालका सांसद साहले काउन्टरमा लात्ती हानेका थिए । उनीविरुद्ध उजुरी परेपछि मंगलबार ओखलढुंगा जाने क्रममा त्रिभुवन अन्तर्राष्ट्रिय विमानस्थलबाट पक्राउ गरेर जनकपुर लगिएको थियो ।
सरकारी वकिल कार्यालयले साहविरुद्ध गैरसैनिक हवाई उडान ऐन २०१५ को दफा ९ (क) को आधारमा अपराध गरेको कारणले उनिमाथि पाँच वर्षदेखि दस वर्षसम्मको कैद सजायको मांगदाबीसहित जिल्ला अदालतमा मुद्दा दायर गरेको थियो ।
तर अदालतले विमानस्थलमा वादविवाद भएको भएको तर सरकारी वकिलको कार्यालयको मागदावी नपुगेको भन्दै साधारण तारेखमा रिहा गर्न आदेश दिएको छ ।

No comments:

Post a Comment