डेङ्गु नियन्त्रणको जिम्मा कसको ? - DoroNepal

Breaking

Saturday, September 7, 2019

डेङ्गु नियन्त्रणको जिम्मा कसको ?


काठमाडौँ– नेपालका ४० भन्दा बढी जिल्लामा डेङ्गु महामारीका रूपमा फैलिएको छ । तर सरकारले यसको नियन्त्रणका लागि ठोस कदम अझै चालेको छैन । बरु डेङ्गु नियन्त्रण गर्ने जिम्मामा एकले अर्कोलाई देखाएर उम्कने प्रयास भइरहेको छ ।
पूर्व स्वास्थ्यमन्त्री तथा नेपाली काँग्रेसका नेता (सांसद) गगनकुमार थापाले डेङ्गु सङ्क्रमण अहिले ‘राष्ट्रिय समस्या’ भएको भन्दै यसको नियन्त्रण गर्न सङ्घीय सरकार नै लाग्नुपर्ने बताउँछन् ।
सङ्घीय सरकार यसको नियन्त्रणमा आकस्मिक रूपमै नलाग्ने हो भने ठूलो क्षति हुनसक्ने उनको भनाइ छ । डेङ्गु नियन्त्रणमा  प्रदेश र स्थानीय सरकारको मात्रै भर पर्न नहुने र सबैलाई खटाउने काम स्वास्थ्य तथा जनसङ्ख्या मन्त्रालयले गर्नुपर्ने थापाको भनाइ छ ।
‘अन्य सामान्य समस्यालाई प्रदेश र स्थानीय निकायले हेर्न सक्ने भए पनि यस्तो बेलामा भने सङ्घीय सरकारले सबै निकायलाई साथमा लिएर काम गर्नुपर्छ । स्वास्थ्य मन्त्रालयले डेङ्गु नियन्त्रणको सवालमा काम गरिरहेको होला तर यस्तो बेलामा अझ बढी अग्रसरता सङ्घीय सरकारले देखाउनुपर्छ’ पूर्व स्वास्थ्यमन्त्री समेत रहेका थापाले रातोपाटीसँग भने ।
*****
सङ्घीय स्वास्थ्य मन्त्रालयको आफ्नो काम नीतिनिर्माण गर्ने भएकाले डेङ्गु नियन्त्रणको काम स्थानीय र प्रदेश सरकारको भएको भन्ने भनाइप्रति सरोकारवालाहरुले आपत्ति जनाएका छन् । केन्द्रीय सरकारको यस्तो भनाइ गैरजिम्मेवारीपन भएको उनीहरुको भनाइ छ । नेपाल चिकित्सक सङ्घका अध्यक्ष डा. मुक्तिराम श्रेष्ठ राष्ट्रिय महामारी बनेको डेङ्गु नियन्त्रणमा केन्द्र सरकार नै लाग्नुपर्ने बताउँछन् ।
*****
डेङ्गु महामारीका रूपमै फैलिएकाले अहिले स्वास्थ्य मन्त्रलाय एक्लैले पनि केही गर्न नसक्ने भन्दै उनले अन्य मन्त्रालयसमेत एक ठाउँमा आउनुपर्ने सुझाव दिए । ‘स्वास्थ्य मन्त्रालयले नेतृत्व गर्ने र प्रधानमन्त्रीको निर्देशनमा मार्गनिर्देशन गर्ने हो भने सङ्घअन्तर्गतका सबै मन्त्रालयले नियन्त्रणका सवालमा काम गर्ने वातावरण बन्छ’ थापले सुझाव दिए ।  सङ्घीय संरचनाअनुसार कार्यविभाजनबारे अलमल भएकाले पनि डेङ्गु नियन्त्रणका सवालमा काठमाडौँ उपत्यकाको सवालमा समस्या भएको थापको तर्क छ । ‘यस्ता कुरामा स्पष्ट कार्यविभाजन भएन भने भोलिका दिनमा अन्य भयावह समस्या आउँदा पनि यस्तै हुनसक्ने भन्दै प्रत्येक मिनेट खेरा नफाली डेङ्गु  नियन्त्रणमा लाग्नुपर्छ,’ सरकारलाई थापाको आग्रह छ ।

No comments:

Post a Comment