विश्वकप क्रिकेटमा आज अष्ट्रेलिया र भारत प्रतिस्पर्धा गर्दै - DoroNepal

Breaking

Sunday, June 9, 2019

विश्वकप क्रिकेटमा आज अष्ट्रेलिया र भारत प्रतिस्पर्धा गर्दै

विश्वकप क्रिकेटमा अष्ट्रेलियालाई भारतको चुनौती
एजेन्सी । उपाधिका मुख्य दाबेदार मानिएका अष्ट्रेलिया र भारत आईसीसी एकदिवसीय विश्वकप क्रिकेटमा आज प्रतिस्पर्धा गर्दैछन् । अष्ट्रेलिया आफनो तेस्रो तथा भारत दोस्रो खेलमा बलियो प्रतिस्पर्धीको सामना गर्न लागेको हो । खेल नेपाली समयअनुसार दिउँसो ३ः१५ बजे सुरु हुनेछ । यसअघिका २ दुई खेलमा विजयी अष्ट्रेलिया उत्साहित छ । भारत पनि आफ्नो पहिलो खेलमा जित निकालेका कारण दोस्रो जितका लागि तयार छ । अनुभवी खेलाडी रहेका दुबै टोली विजय यात्रालाई निरन्तरता दिने लक्ष्यमा छन् ।
भारतले पहिलो खेलमा दक्षिण अफ्रिकामाथि ६ विकेटको जित निकालेको थियो । अष्ट्रेलियाले वेष्ट इन्डिजमाथि १५ रन तथा अफगानस्तानलाई ७ विकेटले हराएको थियो ।
विश्वकप क्रिकेटमा अनुभवी खेलाडी रहेका यी दुई टोलीबीचको आजको खेल निकै रोमान्चक हुने अनुमान गरिएको छ । पछिल्लो समय भएका एकदिवसीय खेलमा अष्ट्रेलिया भारतमाथि बलियो देखिएको छ । अष्ट्रेलियाले पछिल्ला पाँच खेलमा विजय हासिल गर्दा भारत २ खेलमा मात्र विजय छ । विश्वकपमा यी दुई टोली अहिलेसम्म ११ पटक आमनेसामने भएका छन् । जसमा अष्ट्रेलया हाबी छ । अष्ट्रेलियाले ८ मा जित र भारत ३ मा विजय भएको छ ।
१९८३ मा पहिलो पटक विश्वकपमा प्रतिस्पर्धा हुँदा पछिल्लो समय २०१५ को विश्वकपमा भेट भएको थियो । पाँचपटक च्याम्पीयन विश्वकपमा नयाँ कीर्तिमान बनाउन चाहन्छ भने भारत तेस्रो उपाधि उचाल्ने रणनीतिमा छ ।

No comments:

Post a Comment